Hugarheimur Bluezarans

2004-04-16T21:12:00.000Z

Já vá það er orðið ansi langt síðan ég bloggaði þið eruð kannski að velta því fyrir ykkur hvað er að gerast hjá mér þannig að hérna er ég í stuttu máli.
Janúar byrjaði rólegur ég var bara í mínu tilhugarlífi sem NME formaður að plana hvað ég ætti að gera fyrir krakkana næstu 4 mánuðina, þangað til að 16 janúar en þá datt ég í lukkupotinn og náði mér í gellu, eða hún í mig annað hvort. Það vita nú allir hver hún er held ég en hún er hallormsstaðamær og heitir Sigríður Eir. Janúar fór bara í það að vera í skóla og vinna í Besta en þess á milli kjassaði ég kærustuna og svona. Febrúar var heldur góður fyrir utan það að mér var sagt upp í Besta eitthvað kjaftæði þar á ferðinni. Gerða mín lenti í smá veseni þann 16 en þá lánaði ég kærustunni bílinn og hún greyið lenti í árekstri og varð ég að dauðadæma Gerðu litlu sem stendur núna bara fyrir utan heimilið mitt og grætur. Mars var góður en ég vinn í Bónus og er í skóla eins og áður og allt gengur vel þann 13 keypti ég mér síðan nýjan bíl sem er Nissan Sunny og vantar mig nafn á hann endilega gefið mér vísbendingar um nafn. Apríl fór ég í gott páskafrí suður. Þar fór ég meðal annars í bláa lónið með Siggu, Esther og Vígþóri sem er einmitt bróðir Siggu. Ég fór líka á Chicago sem var alveg þrususýning og helvíti gaman að sjá það leikrit. Síðan fjárfesti ég í nýjum gleraugum og jakkafötum og gerði borgina alveg brjálaða. Og síðan sit ég hér og blogga og er alveg þrusu sáttur við lífið og tilveruna

2004-01-01T16:32:00.000Z

Jæja gleðilegt nýtt ár allir saman og takk fyrir það gamla. Árið kvaddi ég ásamt fjölskyldu minn í blokk á 5 hæð. Þar var mikið um manninn og mikið fjör. Við skutum upp flugeldum og um 12 leitið komu askaðndi að blokkinni við hliðinaá blokkinni sem við vorum í, 3 slökkvibílar, 3 sjúkrabílar og 2 löggubílar, það var kviknað í ruslageymslunni í blokkinni. Magnað kvöld.

En er að hugsa um að skrifa um árið mitt 2003 í stuttu máli.

JANÚAR - APRÍL: Man ekki mikið eftir Janúar til apríl, var að vinna í Bónus og í skólanum. Var síðan að dúlla mér með stelpu í Mars Apríl og Mai.

MAI: Bauð mig fram sem formann NME sem ég vann með yfirburðum, ekki skrítið því það bauð sig enginn fram á móti. Í byrjun mánaðar eignaðist ég bílinn minn sem ég kýs að kalla Gerði.
Miðjan mánuðinn fór að lýsast aðeins í ástarmálum hjá mér en ég byrjaði með stelpu þann 24 og síðan 6 dögum eftir fór ég að leigja með Garðari í Penthouse apartment Sunnufell 5.

Júní - Ágúst. Um miðjan Júní hætti ég svo í sambandinu og það var mikið um partý í íbúðinni í Sunnufellinu. Í Júní byrjaði ég að vinna í Dúkás sem var ekkert svo gaman og mæli ég ekki með fyrir neinn að vinna þar. Ég æfði með þristinum þetta sumar, en var aðallega titlaður vatnsberi þó svo að ég hafi farið nokkru sinnum í markið á æfingum. Um miðjan Júlí skipti ég síðan um farsímanúmer í fyrsta skipti. Í enda ágúst var síðan íbúðin kvödd og ég fór í skóla og tók við embætti formanns og gjaldkera NME. Flutti aftur á Urriðavatnið.

September: Skóli byrjaður á fullu og ég á fullu í skóla vinnu og halda böll og annað. Bónus vinnan var ekki mikil og farið var að halla undan fæti.

Október: Peningar voru vandræði og ég vissi ekki hvernig ég ætti að fara að nema að horfa á lífið björtum augum og hélt áfram. Síðan í lok mánaðar var hringt í mig frá Hraðhreinsun Austurlands og mér boðin vinna sem ég tók og þá fóru peningarnir að streyma inn.

Nóvember: Vinna fyrir hádegi, skóli eftir hádegi og nemendaráð. Tíminn var ekki mikill fyrir sjálfan mig núna. En ég nennti ekki að væla yfir því og hélt ótrauður áfram að sýsla í því sem ég var að gera.

Desember: Ég gengst í liðs við Feita heita pottinn. Tippklúbburinn sem ég ásamt mörgum fjölskyldumeðlimum erum að reyna að græða peninga. Ég skrepp suður til þess að hitta skiptinemapabba minn og átti með honum skemmtilegar stundir ásamt íslenskri kærustu hans. Síðan eru prófin og þau ganga vel næ öllu en bara með meðaleinkunnum. Síðan er unnið í HHA til 20 desember en þá fer ég suður til Reykjavíkur. þar fer ég beint í vinnu til pabba og er búinn að vera að vinna þar eiginlega öll jólin. Tippklúbburinn okkar fær 13 rétta sem gerir 922.000 eða 34.000 á mann og kom það sér mjög vel. Áramótin voru síðan haldin heima hjá símoni bróður með miklum látum og skemmtunum.

Takk fyrir mig og enn og aftur gleðilegt ár og takk fyrir það gamla

2003-12-30T23:58:00.000Z

jæja það er komið að því, Bergvin Jóhann hefur unnið í getraunum, fyrsta skipti sem ég hef unnið eitthvað meira en 500 kall. Málið er að ég er í tippklúbbi sem heitir feiti heiti potturinn, hefur ekkert með vaxtarlag að gera, en allavega við fengum 13 rétta sem gerðu næstum eina milljón. það var svo skipt niður í 27 hluta. 34.150 krónur á mann takk fyrir það.

Jólin voru góð og ekki fór ég í köttinn. fullt af naríum bolur, gallabuxur, skyrta, bindi og eitthvað af sokkum björguðu því. já Gleðileg Jól allir saman

jæja lífið hérna í borginni er ágætt er í jólafríi og er svo heppinn að eiga pabba sem rekur fyrirtæki þannig að ég er að hala mér inn pening á meðan ég er í fríinu.

en þetta er síðasta blogg þessa árs þannig að ég bið ykkur vel að lifa um leið og ég mæli með líkamsrækt á nýju ári eftir jólin

p.s. Gerða biður að heilsa hún er slöpp greyið en öll að koma til.

2003-12-13T14:19:00.000Z

Jæja vegna morðhótunar sem ég fékk á sms eina nóttina hef ég ákveðið að bæta við linkum á Esther Ösp og Jón Kolbein og ekki bara út af hótuninni heldur líka vegna þess að þau eru skemmtilegt og hresst fólk kíkið þangað......

Prófin að vera búin er að fara í munnlegt próf í dag í þýsku 403. Ætla ég mér að fjalla um þýska snillinginn Jens Lehman aber er ist der torwart von Arsenal, fyrir þá sem ekki vita.

Ég sakna Gerðu, en fyrir ykkur sem ennþá ekki vita það þá er það bílinn minn. hún er fyrir sunnan og ekur Soffía systir um á henni eins og hún eigi hana. Ég er bara keyrandi um á Dísu núna sem er náttúrulega ágætisbíll en þú segir ekki já við soðnri ýsu þegar þú átt graflaxinn sjálfur,,, if you know what i mean

Ég er ekki ennþá búinn að fá að vita um 150 þús rukkunina frá sýslumanni en mig hlakkar til að fá að vita hvernig það mál fer, ef ég á að segja alveg eins og er vona ég að ég fái að borga þetta, finnst bara svo gaman að vera í skuld.

Stuðmannaball í kvöld, spilagrúppan nafnlausa ætlar að hittast í kvöld og lepja á smá bjór, rauðvíni og Tequilla, semsé þynnka á morun.. Spilaklúbburinn nafnlausi inniheldur meðal annars þau Jón Kolbein, Kjartan Svan, Lísu Plísu, Sigríði Kopar, (en Eir þýðir kopar, shit hvað ég er fyndinn) og síðast en alls engan vegin síst Sigurbjörgu Elínu Hólmarsdóttur eða Sissó eins og sumir þekkja hana.

Mæli með speedball blettahreinsi, það er ekki til sá blettur sem hann nær ekki úr fæst í Besta og ég mæli með þeirri búð.

2003-12-05T18:29:00.000Z

Jæja strákurinn bara í borginni, skiptinemapabbinn í bænum varð að keyra til þess að hitta hann. Shit keyrði á föstudaginn móðir náttúra ásamt pabba Guði gáfu mér svona 19 metra á sekúndu alla leiðina sem varð til þess að ég var nánast búinn að keyra útaf á hverjum 200 metrum sem ég fór. Ekki bætti það úr skák þegar suðurlandið nálgaðist að þau tvö voru farin að ausa úr ánum yfir bílinn minn þannig að rúðuþurrkurnar höfðu ekki undand við að bægja vatninu af rúðunni.

Reykjavík er mögnuð, reyndar búinn að eyða mestum tímanum í Kópavogi og Hafnafirði en það er annað mál.

Hitti Gylfa í gær og fyrradag, gaman að segja frá því að hann er að flytja til Austurlanda nær og ætlar að setjast að á litlu setri er Egilsstaðir nefnist, velkominn Gylfi.

Fékk frá sýslumanni, rukkun um 150 þúsund íslenskar krónur, það eru 30 bláir peningar. Þetta var út af vitleysu með staðgreiðslu skatta á síðasta ári, en ég held að það endi þannig að ég þurfi ekki að borga þetta, hver veit.

Var semsé allan fimmtudaginn að reyna að koma þessu á hreint með skattinn á meðan Anna Hlín vinkona mín hékk út í bíl en hún var svo góð að koma með mér þótt það hafi örugglega verið leiðinlegt fyrir hana takk ANNA

1 Des var helvíti góður, mættu um 260 manns á borðhaldið og um 340 á ballið. Talið er að þetta sé heimsmet í svo litlum skóla en það er ennþá verið að fara yfir það , einn skóli í Kirgystan sem hélt 1 des skemmtun og ennþá er verið að finna út hvað mættu margir þar en það er áætlað um 209, ásamt 16 geitum.

Meðmæli dagsin í dag fær Anouk fyrir góða rödd, góða texta og fín lög mæli með henni við próflesturinn, auðvitað bara lágt stillta.

2003-11-30T20:45:00.000Z

http://www.simnet.is/ftg/myndir/46.jpg

2003-11-26T17:43:00.000Z

jæja, þá er maður kominn úr borginni, hún var full af skemmtunum fyrir stressaðan ungan dreng utan af landi.. Fór með því hugarfari að hvíla mig aðeins frá stressinu hérna á Egilsstöðum, vinnunni og skólanum en það tókst nú ekki. Reykjavíkin tók á móti mér með sinni mögnuðu umferð sem var til þess að ég var farinn að gefa öðrum akandi mönnum löngu töng.

Hitti samt allt mitt lið, sem er mjög gott, fórum eiginlega ekkert að djamma, ég fór ásamt Garðari, Jökli, Elínu, Eygló, Hönnu Guðrúnu og Ægi niður í bæ enduðum á Nellys dönsuðum aðeins og svo var bara farið heim. Gassi mjög fullur en ég drakk ekki deigan dropa.

Hitti ekki Finn, afsakið Finnur....

Hitti ekki Gylfa, afsakið Gylfi...

Keyrðum heim mánudagsnóttina, það var gaman.

Hef ekkert að segja en endilega keep it real og haldið áfram að lesa

2003-11-19T20:43:00.000Z

Jæja þá er þessi dagur næstum búinn. Byrjaði vel, 6 stiga frost í morgun sem hélst út allan daginn, shit hvað ég elska frost. Þá er alltaf svo kalt og það fær mann til þess að brosa og annað, síðan byrjar maður á því að fara syngjandi út skafa af bílnum sínum og setja hann í gang. Maður getur varla snert stírið af því að það er svo kalt, en það gerir bílferðina bara skemmtilegri. dempararnir á bílnum fastir þannig að bíllinn hoppar og skoppar út um allt í minnstu holum, allt þetta gerði þetta að degi sem ég vildi bjóða velkominn með bros á vör og segja lofum guð.

En annað leiðinlegra mál, ég er víst að fara til höfuðborgar Íslands á morgun, Reykjavík er staðurinn fyrir ykkur sem eruð ennþá að pæla. Þar verð ég víst að hitta fjölskyldu mína og vini, shit eintóm kvöl og pína, ef ég fengi að ráð þá yrði ég bara hérna að vinna og í skóla, en svona er þetta maður fær ekki alltaf það sem maður vill..

Semsé, ég og Jökull/Elli Hnakki (sem eru að verða sama manneskjan að ég held) hehe erum að fara til borgarinnar, ekki borgar óttans því mér finnst það hallærislegt, en við ætlum að aka þetta á morgun og skemmta okkur duglega í borginni.

Á bara engan pening en ég þekki strák sem getur selt mér lambhúshettu þannig að þetta fer örugglega allt saman vel

Var að spila á mánudagskvöldið ásamt, Jóni, Lísu, Siggu, Sissó, Kjartani, Sigrúni Höllu, Þórey Birnu og Vígþóri Sjafnari. Spilað var Trivial Persuit og það verður ekki meira fjallað um það hér, nema hvað að eldingarvari er jarðtengi og hananú. Og það var ekki ég sem henti glösum í alla vegna bræði minnar yfir tapi mínu..............................

En ég reyni að blogga um helgina, ætla að fara gera mikið meira af þessu þar sem að ykkur kemur við hvað ég er að gera og ættuð að hugsa aðeins út í það

Meðmæli mín í dag fær borðtennis, fín íþrótt sem gaman er að stunda með félögum sínum, mæli með henni eftir vinnu með einum til tveimur bjórum kannski og góðra vina hópi.

2003-11-16T19:44:00.000Z

Jæja helgin búin, búinn að vera þreyttur mest alla helgina. NME hélt óvissuball á Seyðisfirði. Fór skemmtilega fram held ég. Kung Fu spilaði fyrir dansi, mjög góð hljómsveit, mæli með henni, hressir strákar.

Laugardagurinn var notaður í að fara á ball með danshljómsveit Friðjóns, skemmtilegt ball, ekki margt um manninn en það var dansað eins og andskotinn, og ég held að ég hafi aldrei verið jafn sveittur á ævinni eins og eftir þetta ball.

Er núna að fara að læra verð að lesa bók eftir Isabel Allende, ást og Skuggar heitir bókin, nenni ekki að lesa en verð að klára hana í dag, er samt vel kominn af stað með hana, og gera verkefni fyrir morgundaginn.

Ætla mér að fara suður í næstu viku, Ég Jökull, Elli Hnakki og vonandi Jón Kolbeinn förum saman það verður vonandi gaman. Ég veit að þið takið kannski ekki eftir því en þetta rímaði, fyrir ykkur skal ég setja þetta upp á ljóðrænan stíl

Ég, Jökull, Elli Hnakki og Jón Kolbeinn förum saman
það verður vonandi gaman

Tókuð þið eftir þessu núna????

Held samt að fólk sé hætt að lesa þetta blogg er það rétt hjá mér???

Mæli með Safnkorti Esso,, var að fá sendar í pósti 3 ávísanir upp á 1000 kall hverja, get núna notað hana í að borga bensín til dæmis, bara af því að ég notaði safnkortið

2003-11-13T16:56:00.000Z

Jæja félagar ekkert að gerast hér eins og venjulega, papar hættu við að koma vegna dauðsfalls í fjölskyldu eins meðlimarins, að manni skilst.

Ball verður haldið á ????? á morgun á vegum NME og VA en það er óvissuball hjá okkur, það verður vonandi geðveik stemmning.

Ég er kominn með nýja vinnu, er að keyra út þvott fyrir Hraðhreinsun Austurlands, helvíti fínt starf, ákvað að kveðja Bónus í bili.

Bíllinn minn hún Gerða er eitthvað að stríða mér núna. Verð að fara að skipta um demparana, en var að keyra heim um daginn þegar að allt í einu stóðu út eldstrókarnir úr húddinu á honum (henni) En það reyndist bara vera einn bilaður vír og var hægt að laga þetta með einföldu teipi þannig að hún lifir ennþá.

Soffía systir kemur á morgun til þess að fara á ball, það verður nú ágætt að fá kellu austur.

Heyrði aðeins í Friðrikssyni en hann er á fullu á Akureyri að læra.

Mæli með nýju drykkjarjógúrtinni,,, svolítið sykruð en mögnuð á bragðið

2003-11-09T18:15:00.000Z

tók þetta próf og þetta var útkoman

Fight Club!

What movie Do you Belong in?(many different outcomes!)
brought to you by Quizilla

Takk, caberson.blogspot.com

Gylfi á afmæli í dag til hamingju með það...

Var að byrja í nýrri vinnu í gær hjá Besta til hamingju með það...

Er viðbjóðslega þunnur til hamingju með það...

Ægir kom í helgarheimsókn,duttum í það í gær hann átti afmæli á föstudaginn til hamingju með það....

Mæli með Andrex klósettpappír, hann fæst í Bónus er ódýr, mjög mjúkur fyrir bossann og í alla staði þægilegur

2003-11-07T11:58:00.000Z

Jæja, vegna morðhótanna, gíslatöku heima hjá mömmu og pabba og skemmdarverka á leiði allra gæludýra minna, hef ég ákveðið að skrifa á þessu bloggi. Ekki eru allir ánægðir með hvað ég er duglegur að skrifa hérna. En það er nú kannski ástæða fyrir því, vegna þess að ég reyni að gera ekkert nýtt. Ég er vaknaður um 11:30 helst seinna ef ég get. Fæ mér þá Honey nut cheerios, og hlusta aðeins á seyðandi tóna. Skelli mér síðan í skólann klukkan 13:40 er í honum til svona 15:30, fer síðan inn á nemendaráðsskrifstofu og geri það sem ég þarf að gera þar, sem yfirleitt tekur um 10 mínútur og síðan geri ég ekki neitt. Þangað til að klukkan er svona 02:00 en þá fer ég að sofa eftir að hafa laggt krossgátur í um 30 mínútur.

En ekki halda að þetta sé innantómt líf þar sem það er það ekki. Þar sem að ég hef svo lítið að gera hefur mér lærst að náttúran gefur okkur svo margt sem við viljum gleyma.

Það er ein frétt í lífi mínu sem gæti haf áhrif á líf mitt þangað til haustið 2005 en ég vil ekki segja frá henni strax þar sem að það er ekki alveg komið á hreint. þið megið samt giska á commenta kerfinu mínu.

Keypti mér dempara undir bílinn minn, var styrktu af Sveini Símonarsyni, sem er svo heppinn maður að vera pabbi minn, takk pabbi. Elmar ætlar að hjálpa mér að setja þá undir. AF hverju nýir demparar segið þið... Nú vegna þess að þeir frjósa alltaf, þeir sem eru undir bílnum, sem varð til þess að það átti að senda mig á klepp en ég slapp.

Skólinn gengur fínt og sé ég fram á að ná öllu núna það yrði magnað þar sem að ég er nú að klára, veit ekki hvort ég er tilbúinn að klára þetta þar sem mér finnst ég nýbyrjaður í menntaskóla, ekki nema 6 ár síðan,,,,,

Og að lokum vil ég mæla með DiFi hárvörunum, sérstaklega vaxinu, hægt að fá í mörgum litum, ilma indislega og halda vel, ekki spurning fólk.

Endilega commentið svo ég viti að þið séuð að lesa elskurnar

2003-10-09T15:15:00.000Z

Jæja heppnin eltir mann á röndum þessa dagana. a) það er byrjað að snjóa eins og einhver hafi óskað sér að mannfólkið færist í ofsnjóun, hálka og reiði fylgir snjónum í dag. Bíllinn minn (Drottningin eins og ég kalla hana) er rafmagnslaus fyrir utan skólann og ég get ekki einu sinni opnað hann því að hann er fjarlæstur og hann er ekki með nógu mikla orku á rafhlöðunni til þess að spýta um litlu tökkunum sem að opna, það hlýtur að þíða að hann sé mjög batterílaus.

Ég fór á fyllerí á Þriðjudag, ég Steini, Bryngeir og Jökull, Bryngeir fór síðan til hennar Ameríkunar á Miðvikudeginum þannig að við vorum að kveðja kallangann. Óska honum alls best og vona að hann eigi eftir að verða ríkari heldur en meðaljóninn.

Maus eru að verða ein af hljómsveitum sem að ég segi vá þegar ég hlusta á þá helvíti gott band.

Pababall átti að verða um helgina en þeir verða og í Svörtgm fötum spila í staðinn, ekki alveg sáttur við það en kannski maður fari samt á ball. Verð bara ekki jafn drukkinn og síðast, nenni ekki að lenda í að berja mann og annann AHAHAHAHA.

Mæli með finnurtg.blogspot.com, fín lesning frá manni sem lætur lífið leika sig grátt. Fær mann til þess að hlæja og hugsa. go Finnur

2003-09-29T13:11:00.000Z

jæja dagurinn byrjar unaðslega. Vaknaði um 11 leytið ennþá þunnur held ég eftir helgina. Ekkert komst í huga minn nema skyrið sem beið mín ískalt inn í ísskáp og heiti potturinn hjá Mr. Clean & co. Ég slafraði í mig að mig minnir 8 skeiðum af skyri, gat þá ekki meira, vegna þynnku. Skellti mér síðan í föt og strunsaði út í bíl og ók í átt að sundlauginni. Þegar í sundlaugina var komið fattaði ég að 10 miðarnir mínir sem ég hafði keypt fyrir um 13 dögum voru búnir. Þannig að ég ákvað að skella mér á mánaðarkort, sem þýðir að ef ég mæti í sund á hverjum degi þá á hver sundferð eftir að kosta mig um 76,6 krónur. Svona er maður alltaf að nýta sér hlutina. Þetta er hagkvæmt fyrir mig þar sem að ég hata sturtuna heima hjá mér og fer því alltaf í pottinn á morgnana. Eftir þetta hringdi ég aðeins í bróðir minn hann Símon, reyndar eftir að hann var búinn að reyna að ná í mig. Símtalið var um 15 mínútur, 14 mínútur og 33 sekúndur voru um pípulagnir og hinar 27 sek sem eftir voru fjölluðu um feita heita pottinn. Útskýring: Málið er að við erum karlmenn og við tippum. Ég, Símon, Pabbi bróðir pabba, sonur hans, og fleiri erum í feita heita pottinum, maður má leggja hvað sem maður vill í púkkið en aldrei lægra en 1000 kall. Síðan eru einhverjir í tippráði en ekki alltaf þeir sömu sem ákveða hvaða leiki tippa á á. Við vorum með 11 rétta í þetta skiptið sem ekki er nóg til skiptanna en við stefnum hærra næstu helgi. Óskið okkur góðs gengis með þetta allt saman. En eitt sem ég komst reyndar að í þessu símtali sem gerir mig ekki alveg að lélegasta drykkjumanni í heimi sem að þarf vikuna til að jafna sig, er að hann fór á fyllerí á Laugardaginn og er ennþá aðeins eftir sig þannig að ég er ekki sá eini. Síðan strunsaði ég í Bónus og fékk mér að éta og það minnir mig á meðmæli dagsins en þau eru: Pakkað salat, hvítlaukssósa, rifin kjúklingur (tilbúinn til átu), rauð paprika, fetaostur og eitthvað gott að drekka. Magnaður réttur. Og allt þetta fæst í Bónus

2003-09-28T23:17:00.000Z

jæja það er orðið ansi langt síðan. Helgin var góð Fös fór ég á Kaffi KHB með Jökli Bryngeir og Ellu bellu (kærastan hans Jökul), fengum okkur nokkra stóra og urðum ansi ölvaðir. Lau fór ég svo í bónus aðeins að vinna, allir voru kallaðir út í smá sjálfboða vinnu þar sem að við ætluðum að gera búðina tilbúna til þess að þeir sem ættu að vinna á Sunnudaginn gætu mætt aðeins seinna. Ástæða: það var Bónus staffaparty á Lau þar sem ég fór á kostum með dans og söng, enda búinn með 7 bjóra 5 tequilla skot og 3 eplasnafsskot, svolítið ölvaður. Lenti svo á ball með Stuðmönnum. Elsa Guðný (bless her) kom, af einhverjum ástæðum, með miða til mín og sagði mér að drulla mér inn, þannig að ég fékk frítt inn. Þar var svo dansað meira og vil ég þakka stúlkunum sem dönsuðu við mig kærlega fyrir góða skemmtun, en þær voru um milljón talsins. Ég maðurinn sem gerir aldrei neitt af sér lenti svo í þremur stympingum þetta kvöld, en ekkert til þess að tala um þar sem að engin högg lentu á mér þannig að ég lifði af. Venjulega horfi ég á fólk sem lendir í slagsmálum sem scum of the universe en einhverja hluta vegna lenti ég semsagt í þessu, gæti verið hólinu að kenna. Sunnudagurinn er svo búinn að fara í ekki neitt þar sem að ég er ógeðslega þunnur og sé fram á þynnku fram að Miðvikudegi. Svona var helgin. Í dag mæli ég með Bónus appelsínusafa, kostar ekki neitt og er alveg eins og brassi á bragðið, bless og góða nótt

2003-09-18T11:11:00.000Z

jæja, gerði helvíti mikil áhættu kaup um daginn. Keypti mér þrjár dvd myndir. Á núna þá orðið 13 dvd diska ef mig minnir rétt. Það er álíka mikið og Videoflugan á en aðeins brot af því sem Elmar og Rico eiga, enda klikkaðir menn þar á ferð. 2 myndanna hafði ég ekki séð, Silence of the lambs, og Young Frankeinstein. SOTL var helvíti fín myndin um Hannibal Lecter, Jóði Fóstur fór á kostum sem FBI nemandi, æ þið vitið hvernig þetta er og ef ekki þá er ekkert mál að fá hana lánað hjá mér. YF er ekki eins góð, mynd frá því herrans ári 1974 og húmorinn ekki alveg eins góður þá eins og núna, að mínu mati allavega. Samt er Melur Brók helvíti fyndinn, en tókst ekki vel upp þarna. Me myself and Irene var einnig fyrir valinu og þykir mér hún helvíti góð þar sem að ég get alltaf hlegið af René Zellweger,,,,, nei,,,,,, Jim Carrey heldur uppi stuðinu í þessari rólegu og alls ekki hans bestu mynd en samt góð mynd. Alltaf þegar ég er dapur þá horfi ég á mynd með honum. Er að hlusta á Bringa og blásturfiskurinn eða Hootie and the Blowfish. Áskotnaðist diskur með þeim frá honum Lion Bar eða Hjörtur eins og sumir kalla hann. Þetta er diskurinn Musical Chairs, veit ekkert hvort þetta er best of diskur eða ekki en allavega Hootie er að eignast nýjan aðdáenda. Nýtt á blogginu mínu en samt stolið ég ætla að mæla með á hverjum degi einhverju og núna ætla ég að mæla með: heitum potti á hverjum morgni maður vaknar mjög vel við það..

2003-09-03T23:54:00.000Z

Jæja sumarið búið, aldrei fór ég suður, veturinn kominn. Skóli byrjaður, held ég, búinn að vera að nördast með nemendaráði síðan hann byrjaði. Skedjúalið er fínt mæti í skóla 13:40 á hverjum degi og búinn 15:35 ekki mikið stress. Finnur er farinn, Björgvin að fara Bryngeir að fara, Jökull kannski að fara, Garðar farinn. Eiríkur ennþá hérna og Elmar en allir hinir farnir, hvert fóru þeir? Bý með Miriam, erum ekki saman samt, eins og enginn heldur. Átti afmæli þegar skólinn byrjaði takk fyrir það. Samt það er ball með Tveimur Dónalegum Haustum á Föstudag, það verður brjáluð stemmning. Já áður en ég gleymi, fékk símtal um daginn frá uppistandara og get this, hann heitir Bergvin sem er mjög sjaldgæft, það heita 0,001 prósent þjóðarinnar Bergvin, ég einn af þeim, og hann er blindur, TÖFF. Hann hló samt meira af mér en ég af honum, TÖFF Bless

2003-07-25T20:54:00.000Z

Jæja shit hvað það er langt síðan gott fólk... ekki tölva í sumar þannig að ég verð að koma allaleið hérna suður og misnota adslið hjá ma og pa. hvað er að frétta spurjið þið.. Nú sæta snótin sem ég talaði um í síðasta bloggi var kærastan mín í 1 mánuð og viku, gott meðan það entist, þið ættuð að vita hver það er. Ég fór að vinna hjá Villa Ben í sumar til þess að losna við pípulagnir, var gerður aðalpípari þar og er ekkert annað að gera en að pípa. Penthouse apartment Sunnufell 5 funkerar eins og hið besta partypleis og unum við Gæi okkur bara mjög vel þar, en sumarið er að verða búið pælið í því. Nýbyrjað samt.. Já skuldirnar sem ég ætlaði að koma mér úr eru bara orðnar fleiri, bara eins og gengur og gersti, þannig að lífið heldur sinn vanagang þar sem að ekkert gengur upp, en ekki misskilja gott fólk, er alls ekkert í neinni sjálfsvorkun, svona er bara lífið og maður eignast aldrei neitt nema að skulda aðeins, þannig að húrra skuldir. En semsé er fyrir sunnan núna með Hafþóri Val, Hjörrý Mörtu og Flosa fórum öll saman keyrandi á svörtu þrumunni hans Haffa. Hann var tekinn á leiðinni. 110. Töff. Keypti mér tjald um daginn tölum ekki meira um það. jæja halda áfram að vafra netið og svona bæjó í biló

2003-05-08T00:08:00.000Z

jæja shit hvað það er langt síðan ég bloggaði maður minn.... Hausinn á mér er að springa próf á morgun í Landfræði og er það mitt síðasta próf í bili jibbý. Ég vann kosninguna um formann nemendaráðs með 97% fylgi, greinilegt að fólk veit hvað það vill hehehehe.... Stjórnmál og stríð eru farin að fara í taugarnar á mér þar sem að ég nennig ekki að ræða þetta við einn né neinn en það er alltaf verið að tala um þetta. Mér finnst að fólk horfi alltof mikið fyrir utan landssteinana þegar er veirð að tala um stjórnmál Íslands, en það er bara mín skoðun. Stríð á ekki að þurfa að vera aðalpunkturinn í alþingiskosningum Íslands en er það mjög mikið hjá mörgum. Vinstri grænn. Ég ætla að kjósa framsókn þar sem að þeir vilja og styðja alls kyns stoð fyrir austurlandið og annað. Þó svo að pabbi minn, maðurinn sem ég hlusta á, ætli að kjósa Frjálslynda að eigin sögn er ég því miður ekki alveg sammála honum eftir að hafa skoðað þetta aðeins nánar. Ég er kominn með íbúð í blokkinni í Fellabæ, jibbí er að flytja í bæinn Fella aftur, tóm hamingja. Ég og Gassi Gæs erum að fara að leigja okkur saman og verður haldið standandi innflutningspartý. Bíllinn sem ég keypti mér gengur eins og klukka, 7,9,13 knock knock on wood. Þannig að nú er kominn bíll, íbúð og vantar bara konuna, en hver veit hvað gerist í þeim efnum................. Er með augastað á sætri snót og hver veit hvað gerist þar. En allavega þetta er mitt líf í hnotskurn þessa dagana, prófin búin að ganga vel og mig hlakkar að fara að vinna mér inn pening í sumar og vonandi get ég þá komið mér úr öllum skuldum sem ég hef, sem þó eru ekkert að draga mig niður í svaðið. En svona er þetta óskið mér góðs gengis með þetta allt.... Bæjó....

2003-04-28T13:40:00.000Z

jæja, Kominn með nýjan stimpil ég er nú frá og með deginum í dag g.d.p.i.p.o.s.c. eða öllu heldur a god damn pussy in a piece of shit car. Þetta vilja allavega félagar í eintölu meina. P.S Jökull bið að heilsa. Ekkert er að gerast, var að kaupa mér bíl, Toyotu Corollu, draumabíllinn minn þannig séð, bíll sem bilar lítið og er helvíti þægilegur, Takk Hjörtur. Jæja ekkert að gerast á Egilsstöðum það er ömurlegt veður en samt ekkert mjög kalt en er að fara í tíma bæ,.

2003-04-11T11:26:00.000Z

Jæja mikið að gerast í dag. LOKSINS. Thomas Ingi menntamálaráðherra er að mæta hérna í skólann í dag. Hann ætlar að fjalla um samræmd próf í menntaskólum og önnur málefni verða eflaust tekin fyrir upp á sal. En hann kom nú aðallega til að skrifa undir pappíra sem að segja til um að stækka skólann. Það á semsé að fara að stækka hann enda skólinn uppfullur af fólki núna. En það er ekkert nema gaman. Ég ætla að skella mér upp á sal til þess að hlusta á menntamálaráðherrann sem ég vona að verði betri í starfi sínu en Björn sem var hræðilegur. Ég veit ekkert um þessi samræmdu próf, hvenær þau eiga að koma inn í skólana eða með hvaða sniði þau verða, en eftir að ég hef hlustað á hann læt ég skoðanir mínar í ljós hérna á blogginu. Elmar kom heim í fyrradag, tóm gleði á heimilinu. Ég verð að vinna með honum í sumar sem er mjög gott. Mamma og pabbi koma á Sunnudaginn, eintóm gleði og hamingja að fá þau. En hitamálið í dag eru kosningar í Menntaskólanum á Egilsstöðum. Versta við þetta allt er að aðeins einn flokkur er í framboði, mér að vitandi, og er það X-K hann er þannig skipaður að Bergvin Jóhann Sveinsson (ég) býð mig til formanns nemendafélagsins, Jón Kolbeinn Guðjónsson (frændi) býður sig fram til skemmtanastjóra, Ingi Valur Valgarðsson (ástarpungur) býður sig fram til útvarpsstjóra og Steinar Ingi Þorsteinsson (náðargáfusnillingur) býður sig fram til Pésastjóra. Ég vona innilega að þetta verði kosið því þó ég segi sjálfur frá eru þarna 4 eðalmenn á ferð sem að geta náð langt ef þeir vilja, og þeir vilja það. Fullt af auglýsingum eru komnar upp og orðrómurinn farinn að berast. Eini gallinn við þetta er eins og ég segi að það er enginn mótfrabjóðandi og er þetta því ekki eins gaman, en það verður að hafa það held ég. En þýska öskrar Ich möchte lernen sé ykkur síðar.

2003-04-09T10:28:00.000Z

Jæja, nafnlausar hótanir hafa borist mér á msn um að ég verði eyrnafærri ef ég bloggi ekki. Lögreglan hefur náð mynd af þeim grunaða, þeir sem vita um hann eru vinsamlegast beðnir að hafa samband en hér er myndin. Endilega látið vita, það er ekkert sniðugt að láta svona menn ganga lausa. En hvað er að gerast með heiminn ég bara spyr. Lítum á þetta sem dæmi. Ég er ekkert að skilja í mínum vinum þarna vestan frá. Það er nokkuð öruggt að ég hef verið í skársta hluta landsins, ekki létu þeir svona þar. En hvað um það. Lífið gengur sinn vanagang. Ég er alveg hættur að nenna að gera nokkurn skapaðan hlut, skólinn er í pissi og helst vildi ég liggja í heita pottinum og gera ekki neitt. Ég held bara svei mér þá að það sé þessi tími ársins. Meine Mutter und Meinem Vater eru að koma um páskana, koma á Sunnudag. Það verður klikkað stuð og bíst ég við fyllerí á hverju kvöldi með þeim, alveg fram á rauðar nætur. Fór í sund í gær, helvíti fín ferð. Vorum hátt í þrjá tíma í sundknattleik, ég, Ingi Valur, Sigmar Bauer, Ásgeir, Þorgrímur Skeggi, Árni hinn mikli frá seyðisfirði einnig sem sáust menn eins og Óli og Björt. Þessi ferð fær alveg 4 stjörnur af 5 hjá mér, góður hópur, góð íþrótt og mikið um bjór og annað. Vorum nærri reknir uppúr þar sem að við vorum að stökkva ofaní heita pottinn á fullu og má meðal annars geta þess að Árni hinn Mikli klifraði upp á grindverkið og hoppaði ofaní heita pottinn. Þetta var alveg dásemdis ferð og vil ég þakka viðstöddum góða skemmtun. Síðan var haldið í ferð í handbolta og skoraði ég þar tvö mörk sem voru tekin með miklum fögnuði en það náði einmitt myndir af þessum atburði. Fögnuðurinn, Hamingjan, Þumlarnir og jafnvel var fagnað heima í stofu. Svona voru þessi mörk mögnuð. Ekkert meira gerðist þetta kvöld og vil ég því bjóða góða nótt.

2003-04-03T14:31:00.000Z

Jæja, helgin var góð. Fór á Akureyri ásamt fríðu föruneyti. Jökull, Júlía litla mús, Björgvin, Frændi sæll hann Jón Kolbeinn og Hafliði Bjarki Magnússon, allt allskostar ágætis fólk. Ferðin gekk vel, tókum okkur bíl á leigu og alles. Eitthvað var um þamb á ferðinni en ekkert til að tala um. við gistum síðan á Sveinbjanastöðum sem að er ágætis skítapleis, mæli alveg með því. Síðan var skrunað á Akureyri, verslað föt fyrir 10.000 íslenskar krónur, drukkið smá af pilsner áfengislausum, og farið á Mjög góða söngvakeppni framhaldsskólanna. MJÖG góð ferð. Ástin réð ríkjum sem og kynlífið en það er annað mál. Ég var frekar sáttur við úrslit keppninnar en ég þekki ekkert þetta lag, enda nýtt á nálinni, þar að segja lagið sem vann. Vísur Vatnsendarósu sett upp á góðan máta. Ég hitti Gassa vin minn, mangaður tappi þar á ferð fyrir ykkur stúlkur. Mæli með honum. Eitthvað var verið að tala um að ég og Björgvin höfum verið að höstla en það var þá bara hvorn annan ef eitthvað var, enda fórum við alltaf saman heim. Fór á síðu bara upp á funnið vissi í raun ekkert hvað ég var að fara út í þegar ég las um hana en síðan scenic er frábær, eða allavega heillar mig það sem ég sé þar og væri geðveiki að prufa þetta. En maður er víst ekki fæddur ríkur og því ekki möguleiki á þessu, fer bara og skoða ásbyrgi í staðinn enda fínt að vera þar. jæja nóg um þetta þunglyndi bið að heilsa ykkur. PS samt skoðið Séð og Heyrt og skoðið þriðju opnu og sjáið myndina af sigurvegaranum, eða öllu heldur skuggann af Birgittu Laukdal sem að er greinilega, sorglegt, aðalnúmerið í dag.

2003-03-25T23:57:00.000Z

Jæja var að taka greindarvísitölupróf og fékk (trommusláttur) Congratulations, Bergvin!
Your IQ score is 131 Takk fyrir það. Þetta sannar það sem ég hef haldið fram, að ég sé einstakur, en 95 prósent alls fólks er með 70-130 í greindarvísitölu en ég rétt skríð yfir það. Meðaltalið er 100 samkvæmt þessari síðu. Gaman að þessu. Stelpur hérna er kominn mikill fengur blikk blikk. Takið prófið á www.emode.com/tests/uiq og látið mig vita

2003-03-25T08:44:00.000Z

Jæja sunnudagurinn síðasti var minn draumadagur. Smá útskýring fyrst. Ég fylgist með 3 íþrótum, enska boltanum, NBA og formúlu 1. Enginn rosa bulla en fylgist með mínum liðum. Dagurinn byrjaði á Formúlunni. Horfði í hana á RÚV. Minn maður Coulthard datt út strax en liðsmaðurinn Mika Hakkinen vann, og þannig safnaði hann stigum fyrir liðið sem trjónar á topnum. Meira um formúluna hérna Eftir formúluna hoppaði ég hæð mína í km og var sem ánægðasti. Síðan vissi ég að Sýn ætlaði að sýna Arsenal leik, en þessi harði Arsenal aðdáandi sem ég er ákvað að kíkja á textavarpið til að athuga klukkan hvað leikurinn byrjaði og sá ég mér til mikillar ánægju að leikurinn sem var á eftir Arsenal leiknum var San Antonio Spurs leikur Í NBA deildinni. Yes sagði ég við sjálfan mig í hljóði og strunaði á pizza 67 Egilsstöðum Arsenal leikurinn á móti Everton fór 2-1 fyrir mína menn. Það voru þeir Pascal Cygan, sem ég reyndar vil úr liðinu og Patrick Vieira sem er bestur, sem skoruðu. Þá rann upp mín stund, 11 ár hef ég verið SAS aðdáandi og varð ég þess heiðurs aðnjótandi að horfa á þá vinna Lakers menn. Þannig að sunnudagurinn var unaðslegur fyrir mig, takk fyrir það. Reyndar var ég veikur alla helgina, var samt að vinna á laugardaginn. Og shit hvað það er leiðinlegt að vera veikur og þurfa að vinna. En næstu helgi ætla ég að reyna að fara á Akureyri, reyni að fá frí í vinnunni. Það er menningaferð og mig langar, LANGAR. En þar sem að það er Mánudagsmorgun, þá er heili minn ekki kominn í gagnið þannig að ég skrifa ykkur síðar bæjó elskurnar

2003-03-21T08:26:00.000Z

Jæja það er loksins að ég get bloggað, hef ætlað að gera það síðustu tvo daga, en sorry bara ekki hægt. Komst bara ekkert inn. En allavega smá hlutir sem hafa gerst, þannig séð. Áramótin voru haldin á Þriðjudaginn, fyrir ykkur sem ekki vitið hvað áramótin eru, þá er þetta sem sagt íþróttamót milli árganga í Menntaskólanum á Egilsstöðum. 1 og 3 ár keppa við 2 og 4 ár. Ég sem nemandi á 4 ári, þriðja skiptið í röð, hehe, tók þátt í bandy og Körfubolta. Ég gat ekkert í körfubolta, reif niður reyndar 4 fráköst á móti stórum strákum eins og Simma og Skoppa, nokkuð ánægður með það. En svo kemur að bandýinu. Eftir að þessir 234039 áhorfendur, eða ég taldi það allavega, voru búnir að klappa okkar lið upp byrjaði baráttan. Ég byrjaði á því að hleypa mjög heimskulegu marki inn, með því að vera of hægur í hugsun og ekki einu sinni sjá boltann, sem liggur við rúllaði á gólfinu á hraða eins og hafði verið blásið á hann. En þá hugsaði ég með mér, shit ég er orðinn gamall. Væri samt ekki vanur að hleypa svona bolta inn á venjulegri æfingu. Síðan líður og bíður og við jöfnum eins og ekkert sé. Síðan kemur boltinn allt í einu svífandi við hlið mér og ég reyni að hoppa til hliðar, en næ ekki í tæka tíð. Áhorfendur hafa sagt við fjölmiðla að andlit mitt hafi orðið svo rautt, og greinilega heitt að gleraugun nánast bráðnuðu á nefi mínu. En það var ekki að spurja að því við skoruðum aftur. Jafnt 2-2. Núna var minn kominn í vörnina og Böðvar í markið. Síðan sé ég með mínum röntgen augum að óvinurinn kemur hlaupandi upp kantinn, ég set mig í stellingar. Svitinn, skrílslætin, óttinn og tippið á Björgvin, allt truflaði þetta einbeitingu mína, en ekki nóg samt. Ég horfð á boltann eins og hann væri kjötstykki með sósu og kartöflum. Hann skýtur.................... boltinn strýkur kylfu marmannsins, beint í lærið á mér og inn. NEIIIIIIIIIIIIIIIIIIIIIIIIIIIIIIIIIII!!!!!!!!!!! Ég hafði skorað sjálfsmark, til að missa ekki coolið, fagnaði ég markinu eins og ég hafði ætlað að gera þetta en innst inni hugsaði ég með mér, hvar er byssan, hvar er byssan. En það eina sem ég gat séð var tippið á Björgvini ennþá. En áður en ég vissi af brutust út þessi líka ægiegu slagsmál. Skríllinn upp í stúku var farinn að slást, spreyja niðrandi orð um lögleiðingu eiturlyfja á vegginn, hrópandi we love you Bergvin, "do bergvin, not war og ég veit ekki hvað. En þá kom nú bara hann Hreinn kúluvarpari og kastaði bóstaflega 28946 manns út og þá fór að róast um. En ég gekk grátandi inn í klefa, samt stoltur, ég ætlaði ekki að brjóta niður traust, forsetans, biskupsins og Ingibjargar Sólrúnar á mér, en það hafði samt gerst. En samt var ég stoltur, stoltur á að sjá að ég horfði í ótta við niðurlægingu án þess að missa coolið, þökk sé gelinu sem ég nota í hárið. Jæja þannig fór um sjófer....bandýleik þá. Jæja það er komið á hreint heimurinn er kominn í stríð, og minn maður Davíð Oddsson er eitthvað ekki að nota heilann núna. Jú hann viðurkennir að manntjónið eigi eflaust eftir að vera mikið, en samt stiður hann þetta. Kýs hann ekki næst allavega. Heyrirðu það Davíð. Ég er samt alveg hlyntur því að steypa Saddam af stóli, því hann er jú þekktur fyrir að koma fram við þjóð sína sem hunda, og ef einhver fer upp á móti honum í stjórnmálum er hann drepinn á voflegan hátt. Einnig hefur hann staðið fyrir nokkrum fjöldamorðum. En það sem Bandaríkjamenn eru að gera núna er ekkert annað en fjöldamorð til þess að eignast smá olíu. Niður með Bush og hans menn. Ég segi að Evrópa standi saman og ráðist gegn Bandaríkjaher. Ég ætla að vona að Bandaríkjamenn eigi eftir að bragða aðeins á kjarnavopnum, nema Norður Dakota og Minnesota, þeir mega sleppa. En pú á Bush og pú á Saddam, báða í klefann og lifum eðlilegu lífi, takk fyrir mig í dag og bless.. PS "Wake up dead man" með U2 er klikkað lag.

2003-03-12T09:37:00.000Z

jæja, vegna mikilla aðspurnar og áskorana hef ég ákveðið að blogga. Hef reyndar ekkert að blogga um. En ég reyni. Í gær var mikill og góður dagur í bæ kenndum við Egil og hann Stað. Staður var einmitt bróðir Egils að mér skilst. En nóg um það rugl, ég fór ásamt fríðum föruneyti , takið eftir hvernig ég bæti m þarna inn í, fyrir tveimur dögum niður í BT Egilsstöðum og ákvað þar á staðnum að kaupa mér síma. Keypti ég mér því síma frá NOKIA sem eru jú einmitt bestu símarnir. En þessi ferð tók mig um hálftíma, vegna þess að ég þurfti , hvorki meira né minna, að skrifa undir 10 blöð, bara af því að ég keypti mér síma. Hvað er að gerast spyr ég nú bara. Jæja síðan förum við heim til Finns og ég og Björgvin setjumst niður seinna um kvöldið og horfum á mynd sem heitir því fagra nafni BR eða Battle Royal og er góð mynd, allavega það sem ég sá af henni, en vegna þreytu minnar sofnaði ég þegar hún var alveg að vera búin. Myndir virka ekki á mig þannig að hún náði ekki að halda mér vakandi, þannig að ekki halda að ég hafi sofnað vegna þess að hún sé leiðinleg. Ég veit að ég var búinn að ákveða að klippa mig ekki fyrr en um 21 Apríl, en ég er að brjálast, þannig að ég hringdi í hana Jónu Hárklipp vinkonu mína áðan og pantaði tíma. Jóna er ódýrasti og jafnframt besti klipparinn á svæðinu, mæli með henni þið getið fengið upplýsingar hvernig skal ná í hana hjá mér. Já ég sló met mitt í gær held ég, ég er alltaf að slá met. Ég fór að sofa klukkan hálf níu í gærkvöldi, takk fyrir það. Vaknaði klukkan 7 í morgun og ætlaði ekki að nenna að vakna. Veit ekki hvað er að gerast. En fór því bara í sturtu, fékk mér vel að borða og tannburstaði mig. Þetta var bara fínn morgun. En jæja ekkert annað merkilegt að gerast þannig að ég heyri í ykkur seinna endilega hringið ef þið hafið ekkert að gera bæbæbæbæbæbæ

2003-03-06T09:56:00.000Z

Jæja var byrjaður að blogga helling áðan ýtti á takka og allt hvarf. Takk fyrir það Bill Gates. Þoli lítið tölvur, fór samt í Tölvutækni skóla Íslands. Það er byrjað að snjóa, jeii húrra fyrir snjónum, hann boðar bara gott. NOT!!! ég þoli ekki snjó, hann boðar bara kulda, myrkur, bleytu, hálku og annað svona rusl sem maður ekki vill. ÉG ÞOLI EKKI SNJÓ, ÞOLI HANN EKKI. EKKI. Var að horfa á The Mask með Jim Carrey í gær, eða nótt. Kallið mig fífl eða hvað þið viljið, en Carrey er snillingur. Myndir eins og, Dumb and Dumber, The Mask, Cable guy og báðar Ventura myndirnar, ALGJÖR SNILLD. En það er nú bara hann ég sem tala. Jæja er að koma tími þannig að ég tala við ykkur seinna.....

2003-03-05T14:32:00.000Z

Jæja, Gaman að þessu

Þú ert Steingrímur J. Sigfússon:

Þú ert sannkallaður
vinstri-víkingur þó að þú tapir þér stundum í mótmælunum. Hjá þér skipta
hugsjónir mestu máli.

Taktu "Hvaða stjórnmálaleiðtogi ert þú?" prófið

2003-03-04T14:51:00.000Z

jæja fólk mitt gott. þá er komið að því að ég er búinn að redda mér eðaldruslu til að ferðast um á. Þetta er MMC Lancer af bestu gerð. Ætla reyndar að komast að því hvort hann kemst í gegnum skoðun án mikilla umhugsunar. En það kemur í ljós. SLó nýtt met mitt um daginn frá því klukkan 2 á miðvikudegi, já ég var að vakna þá, til klukkan 5 aðfaranótt sunnudag, en þetta spannar 87 klukkutíma, svaf ég aðeins 10 tíma. Málið var að Barkinn var að lýta dagsins ljós, enda ljósamaður barkans. Barkinn var skemmtilegur, en það var hún Magga Dagga sæta sem bar sigur af bítum. Hún sögn lagið Nobody´s wife og söng hún alveg hreint glimrandi ágætlega. Ballið var síðan orkað af Maze sem er hljómsveit sem var sett saman aðeins fyrir þetta eina ball. Þau stóðu sig með eindæmum vel en vegna dræmrar mætingu þá var þetta nú ekkert rosaball svosem. Ég var í þvílíku worms partíi í gær ásamt þeim snillingum Björgvini og Finni. Síðan vorum við BJöggi beðnir um að segja eitthvað um hann Lubba Klettaskáld en það var verið að gera heimildarmynd um hann og við grétum úr hlátri allann tímann. Gaman að þessu. Annars gerist voðalega lítið hérna. Ég og Finnur fórum bara að lyfta í gær eftir mikinn tíma í aflsöppun, eða allavega hjá mér. Maður er orðinn hálf latur eitthvað. En hvað um það er aðeins byrjaður að horfa á magnaða mynd en sú mynd heitir Indiana Jones and the last cruisade, held að það sé skrifað svo, þetta er dæmi um þær 2% amerískra mynda sem mér leiðist ekki við að horfa á. Það er nú bara þannig með Amerískar myndir að þú getur farið í næstu leigu tekið svona 99 myndir úr rekkanum og sagt við sjálfan þig. "Humm þetta er sama myndin bara með mismunandi leikurum og leikstjórum. En alla vega Jones er alveg snilld, finnst reyndar hinar myndirnar ekkert rosa góðar en samt ekki lélegar Amerískar myndir. Ég mæli samt með Jones þrílógíunni og vona bara að fjórða myndin verði góð þegar hún kemur út. En nóg í bili nýri sem gamlir gestir endilega hripið í gestabókina

2003-02-20T14:25:00.000Z

Jæja eitthvað dularfullt skreið upp í kollinn á mér og sagði mér að nú væri komin stund til þess að blogga. Ég hafði ekkert mótsvar þannig að ég settist niður fyrir framan tölvuna og ákvað að blogga. Eftir að hafa strögglað við að ákveða hvað ég ætti að blogga um var herbergið mitt orðið one mess Ég var búinn að hugsa mikið og sykursjokkið sem ég er í er, hræðilegt! En ég ákvað að fjalla um ekki neitt. Það er það sem er að gerast hérna fyrir austan. Nú að gera ekki neitt krefst mikillar einbeitningar og mikils þolinmæðis sem ekki nærri allur landinn hefur. Og þar sem að mín þolinmæði var að renna út ákvað ég að skreppa suður til mömmu og pabba. Smá ferðasaga. Ég ríf mig á fætur og dríf mig í sturtu og út á völl. þar bíð ég í smá tíma af því að það var seinkunn á flugi. En upp í relluna var hoppað í fínu veðri og ég hreinlega dansaði búggí á vellinum með það í huga að nú væri ég að fara að sjá stórborgina. Upp í vélina var komið og ég dreg upp Sjálfstætt fólk eftir hann HKL og byrja að lesa. Rellan er að fara í loftið þegar að gsm sími hringir. Nú ekki nóg með það að ég sé svolítið flughræddur heldur hringir gsm sími þegar vélin er að taka á loft. HALLÓ gelgjur, sem vilja ekki slökkva á símanum sínum af því að þær gætu fengið sms, ÞETTA GETUR VERIÐ HÆTTULEGT... Þannig að ég panikkaði aðeins öskraði á flugfreyjuna að nú þyrfti að snúa vélinni við. En hún barði mig í muff og sagði mér að vera rólegur. Shit hugsaði ég með mér við hröpum ekki spurning. En ég róaðist þegar að vélin byrjaði að hristast og flugmaðurinn sagði að nú ætti fólk að spenna beltin því það væri, eins og hann orðaði það, brjálað veður í Reykjavík. JÁ!!!! öskraði ég yfir vélina. Þetta er það sem ég var að vona. Jæja vélin að koma til Reykjavíkur. Hún sveiflast eins og brjálæðingur og þá fær gelgju helvítið sms í miðri lendingu. Nú það er ekkert annað fyrir mig að gera en að rjúka upp og barði hana þrisvar í magann uns hún tók símann sinn og slökkti á honum. Síðan þegar að við erum að koma úr skýjunum, að ég held, bíða bara enn dimmari ský eftir okkur aðeins neðar og vélin er að ströggla, reyna að lækka flugið og reyna að halda sér á réttum kjöl í vindinum. En allt í einu komum við niður úr skýjunum en þá sé ég bara sjó. Ekki langt frá. SJÓR öskraði ég í eyrað á manninum við hliðina á mér WE ARE ALL GONNA DIE ég vissi ekki hvað var að gerast ég var að breytast í morðóðan skratta, heppni fyrir fólkið að ég var ekki með hníf eða eitthvað á mér. Jæja flugvélin lenti og ég sat rólegur biðjandi til Óðins og Þórs. Þetta var ferðin mín, vatnið var reyndar ágætt í vélinni vil þakka flugfélaginu fyrir það. en allavega bið að heilsa ykkur austfirðingum og öðrum ingum ble ble

2003-02-18T09:04:00.000Z

jæja það er hressandi dagur í dag eða þannig. Varð að vakan fyrir aldur fram. ennþá er bílleysið að dræfa mig. kreisíEn maður lifir þetta nú af held ég svona í viku í viðbót. Gaman að segja frá því að ég er að spjalla við Finn og Gassa á msn. Þeir eru kátir að vana en ekki jafn kátir og þessir piltar, Björgvin og Alli. Skólinn gengur bara fínt held ég það er reyndar boðfundur á eftir og þá fær maður að sjá hvernig mætingarnar eru, hlakka nú ekkert ofsalega mikið til að sjá það skiljið mig. Æ það er svo sniðugt þetta blogg hvernig hægt er að setja inn allar myndirnar. En Febrúar þunglyndið virðist vera að hrjá fleiri heldur en mig. Þetta er bara þessi tími ársins að allir eru í fýlu og allt fer í hróa hött. En það er bara að sjúga það í nefið og hugsa: "Ég er betri en þeir, þeir geta ekki náð mér þó þeir séu á fljúgandi hænum. Ég get alveg hlaupið hratt, þessi gil framundan eru ekki alvöru". Og ef maður hugsar svona, vona að ég sé ekki einn um að hugsa svona, þá verður allt í lagi. Það var smá gola á Austurlandi í nótt, þakplötur að fjúka og svona, ekkert alvarlegt svosem, 60 látnir og 3000 saknað, maður hefur séð það verra. Ég gat ekki sofnað í nótt. Vindurinn, sem kom að sunnan, stóð þannig á rúðuna mína að ég beið eftir því að glerbrotin kæmu og dræpu mig, en síðan prufaði ég að þreifa á rúðunni og fann að hún gekk ekki nema 32cm inn í húsið í verstu kviðunum þannig að ég varð rólegur og hljóp öskrandi "lifi menningin" inn í bókaherbergi og svaf þar. Það fór ekki vel fyrir kirkjuturninum sem stendur út á hlaði heima. Svona var vindurinn mikill. Mesta mildi var að það dóu aðeins 300 kindur en enginn annar. Jæja nóg af vindum og veðrum og vindum. því bækurnar kalla og ég verð að gegna þeim, ég veit ekkert hvort eða hvernig eða hvenær ég kem heim. see you pals....

2003-02-16T02:11:00.000Z

jæja, ég er í þannig stuði núna að ég gæti dottið niður og dáið.Ég er bíllaus og kemst aldrei heim eins og ég vil, þó það sé gott að vera hérna hjá Finni og Bjögga en mig vantar bara bíl til þess að komast á milli, en til þess vantar mig peninga.En hver þarf peninga? bles

2003-02-13T15:24:00.000Z

þetta er Garfield sagan sem kom út daginn sem ég fæddist 26 ágúst 1981 ég er kominn með nýtt þema og ætla að sýna margt hvað gerðist á þessum merka degi í hverju bloggi, annars ekkert að gerast bara fíflast í skólanum kemst ekkert svona bíllaus

2003-02-10T11:43:00.000Z

Jæja what is up??? Það eru orðnir þónokkrir dagar síðan ég hef Bloggað. Ég hef hreinlega ekki haft neitt til þess að blogga um. En það er ýmislegt að gerast í lífi blúsarans í þessu augnabliki eða þannig. Á föstudag og laugardag vann ég til dæmis 22 tíma samfleytt og er það lengsta törn sem ég hef unnið án þess að fá hvíld, bætti met mitt um 6 tíma frá því að ég var að vinna við íþróttahúsgerð á Þórshöfn í denn. Stjörnuleikurinn var í nótt og var minn maður, Tim Duncan, að gera alveg hreint fína hluti jafnt á vellinum sem utan hans. Hann var með að mig minnir 20 stig og einhver fráköst, án efa besti maðurinn samt í deildinni er bara ekki nógu áberandi og það fíla ekki bandaríkjamenn. Eiríkur fósturbróðir minn er farinn til fyriheitnaborgarinnar Reykjavíkur, bara fluttu úr lífi mínu í líf foreldra minna. Hann er hjá foreldrum mínum og ég hans. Svona smá skiptimarkaður hjá mæðrum okkar. Tekið úr samtali milli þeirra "Okay ég tek Eirík en þú verður þá að hafa Bergvin aðeins lengur, og ef þú hendir inn Elmari líka máttu hafa Bergvin í sumar líka. Já tek þessu tilboði. Svona hljóma samtölin á milli þeirra. Skil ekki svona, við fáum ekkert að ráða um þetta. En nóg af því. Komst að því um daginn að fyndið er ekki inn í dag þannig að ég hætti því gjörsamlega, nenni því bara ekki. Það hlær engin í dag, það er þessi tími ársins. Svona í byrjun Maí enda Apríl er allt í lagi að fara að taka upp þráðinn á ný og segja nokkra hnellna hluti. Já eins og má lesa af bloggunum mínum þá gerist ekkert hérna á Austurlandi, og burtséð frá því sem að pabbi minn segir þá verðum við að fá virkjanir hérna upp á landið til þess að eitthvað fari nú að gerast hérna á dauðramannastöðum. En það er nýja nafnið á Egilsstöðum. Skítt með landið við eigum nóg af því ´þó að við sökkvum einhverju sem að enginn hefur séð, og allir mótmæla bara til þess að mótmæla einhverju. Hvernig væri að mótmæla stríði eða einhverju svoleiðis í staðinn, skipta sér af einhverju sem að á eftir að skipta máli í framtíðinni. Vaknið Íslendingar ekkert ykkar veit hvernig þetta Kárahnjúka dót lítur út. Menn segja að austfirðingar eigi bara að einbeita sér að ferðamennsku og sýna ferðamönnum landið, ég veit ekki til þess að það hafi tíðkast að sýna fóli Kárahnjúka og þó svo við sökkvum þessu þá eigum við margt eftir, til dæmis Loðmundafjörður, Lónið hjá Höfn. Námurnar í Eskifirði og gleymum ekki bara fallegasta firði á Íslandi Borgarfirði eystri. Ég segi sökkvum þessu helvítis hálendi græðum pening og fáum nýtt blóð á austfirði, ég er orðinn leiður á því að mæta á barinn þar sem að nokkrar hræður eru mættar til þess að drekka nokkra bjóra og fara síðan heim. Það gerist ekkert hérna og allt að drappast niður. UPP MEÐ IÐNAÐ! And god bless America!!! Jæja nóg talað í dag verið sæl og sýniði smá smæl, shit það er ekki hægt að vera fyndin fyrstu þrjá mánuði ársins.

2003-01-29T23:51:00.000Z

Jæja jæja, kominn ný skemmtileg síða, einhver skipstjóri einhversstaðar af landinu byrjaður að blogga. Annað hvort er þessi maður mikill húmoristi eða þá að hann er gersamlega brjálaður og leiðinlegur. En mæli með að kíkja þangað. Strákurinn (me) nýkominn úr bólinu, var nebblega illt í mallanum og ældi og meira svona skemmtilegt í tvo daga. Ekkert að fara nánar út í það hérna held ég, áhugasamir geta sent eftirspurnir á e-mailið mitt. kom í skólann semsé aftur bara áðan og var svoleiðis búinn að gleyma hvað er gaman að vera hérna. Mér hefur alltaf fundist eitthvað kósý við svona stofnanir og annað NOT!!! Æ já ég er bitur í dag. Allir bitrir. það er nebblega þessi tími ársins, magnað hvað þunglyndið færist yfir landsmenn þessa dagana. En það er eitthvað rómantískt við það. Finnur keypti sér nýjan bíl, til hamingju Finnur. Æ shit ég veit ekkert hvað ég á að skrifa, hvað er með mig jæja bless í bili þó

2003-01-21T16:42:00.000Z

Jæja margt búið að gerast í lífi blúsarans skal ég segja ykkur. Þann 17 Janúar fæddist bróðir mínum og konu hans sonur, þannig að það er sjötta barnabarn foreldra minna, og ekki er það af leiðinlegra endanum að það eru 4 strákar og 2 stelpur. Þannig að það er að koma upp ágætis fótboltalið hjá þessu fólki mínum. En vil bara óska þeim nýbökuðu foreldrum til hamingju. Var á fundi áðan. það er nebblega þannig að í Félagsfræði 403, erum við að fara að leggja fyrir könnun. Þessi könnun, þegar hún kemur úr ofninum, á að fjalla um vímuefnanotkun (kemur á óvart) og höfðar til þriggja elstu bekkja grunnskóla. Gaman að því. Var að spjalla við þær konur Eygló og Hönnu Guðrúnu um helgina en Hanna Guðrún átti einmitt afmæli þann 19 og til HAMINGJU Hanna Guðrún. Jæja verð að fara að vinna, það bíður mín evrópuleikur í úrvalsdeild, en ég er einmitt framkvæmdastjóri Arsenal gaman að segja frá því. Jökull biður að heilsa

2003-01-16T14:25:00.000Z

Jæja ÞAÐ ER NÝTT MET fætt í þennan heim. Bergvin J Sveinsson tók sig saman og horfði á video í 8 klukkutíma í gær, fyrir valinu voru myndirnar Boondock Saints, Pulp fiction, Raiders of the lost ark og Mr Deeds. Var að sjá allra í fyrsta skipti. Vaknaði klukkan sjö í morgun, ætlaði í tíma klukkan átta en öll mín föt voru í þurrkaranum blaut þannig að ég setti hann í gang og komst ekki fyrr en í næsta tíma. O jæja. það er kominn mikill snjór ekkert geðveikislega gaman sko. En þetta er víst svona. er að fara að rífast við hana Júlíu Kjerúlf á eftir, það er verkefnið okkar í þýsku munnlegt, eigum að vera par sem að er að rífast yfir símareikningnum, magnað alveg hreint. Ég er svona að æfa mig hvað ég á að segja, ef maður segir bara achsu og doch nógu oft þá nær maður þessu held ég. Enda veit ég ekkert hvort þetta sé til prófs neitt, bara smá æfing. Já ég var veikur í gær þess vegna gat ég horft á svona mikið af myndum. En það var þreytandi og guð min góður Jesús Pétur hvað það er leiðinlegt að vera heima hjá sér allann daginn. LEIÐINLEGT skal ég segja ykkur bless

2003-01-13T20:25:00.000Z

Jæja darlings, þá er komið að því, blogginu í dag þar að segja. Ég var að horfa á video til klukkan 3 í nótt, og var myndin (The) Shawshank Redemption... í stuttu máli skulum við segja að það eina sem þessi mynda vantar til þess að vera fullkomin er Tom Hanks, en hann leikur bara í fullkomnum myndum. Myndin fjallar um Shawshank sem er fangelsi, fyrir þá sem ekki vita. Þetta er saga eftir Stephen King skilst mér, og eins og allar hans bækur er þessi meistaraverk. Andy Sufresne (Tim Robbins) er bankamaður sem sakaður er um morð á konu sinni og elskhuga hennar. Hann er síðan dæmdur í tveggja lífstíðar fangelsi. Þar kynnist hann mörgum mönnum þá helst Red (Morgan Freeman), en hann er einmitt reddarinn á staðnum. Báðir þessir menn leika hlutverk sín af mikilli snilld. Megnið af sögunni er um það hvernig Dufresne á með að koma sér inn í fangelsislífið og virðist það honum nokkuð auðvelt. Þetta er semsé mynd um það hvernig lífið er innan fangelsismúranna og öllu í kringum það. Þeir sem að fundust Green Mile góð ættu ekki að láta þessa mynd framhjá sér fara. Ég gef þessari miklu snilld 6 blús af 7 möguleikum.

2003-01-10T08:49:00.000Z

jæja þá er skólinn í dag ekki byrjaður en ég er mættur, það var þannig að ég vaknaði korter í 8 dreif mig á fætur, borðaði á 200 km hraða, klæddi mig í fötin, reyndar áður en ég borðaði, á 500 km hraða, vona að ég sé í fötum. Tók mig til á 500 km hraða og lagði af stað í skólann 10 yfir 8, en hann byrjar 15 yfir 8. Keyrði leiðina sem maður er venjulega svona 11 mínútur á 6 mínútum og hljóp inn í skóla tók upp stundatöfluna gáði hvaða tíma ég ætti að faraí. Fyrsti tíminn, íslenska 403 okay EN EKKI FYRR EN 9 NNNNNNNNNOOOOOOOOOOOOOOOOOO!!!!!!! Dagurinn byrjar vel. Fórum að skokka í gær í staðinn fyrir lyftingarnar. Þá er ég að tala um massana þrjá mig, Finn og Jökul. Er nokkuð viss að eftir svona 2 mánuði þá getum við farið að keppa í vaxtarækt, ekkert mál. En skokkið var fínt, var búinn að skokka svona 4 metra þegar ég var búinn. Jólin fóru alveg með mann sko. En síðan labbaði ég helling og skokkaði aðeins meira og svona þannig að það endaði með einhverjum 27 metrum þetta kvöldið. En þetta kennir manni bara eitt, látið íþróttirnar eiga sig ég er lentur í þessu og kemst ekki til baka, en fyrir ykkur hin sem þetta er ekki of seint fyrir; látið þetta vera. Horfði á mynd í gær aldrei þessu vant, mynd sú heitir Murder by numbers. Ég verð að segja að ég sá ekki marga galla á henni. Hefði getað reyndar verið styttri alltaf verið að lengja þetta eitthvað, en annars mjög fín mynd. Fjallar um stráka sem fremja hið fullkomna morð, koma sökinni á einhvern annan. Síðan er hún Sandra Bullok vinkona mín að reyna að koma upp um þá og leikur þessa hollywood týpu löggu sem býr í bát og er harðari af sér en allt lögguliðið eins og það leggur sig. Það er eina sem eiðileggur þessa mynd finnst mér, hún Sandra. Fín hugmynd, löggan eiðileggur, þannig að myndin fær svona 3 blús hjá mér, fín afþreying. Jæja nenni ekki að tala mikið meira, enda veit ekkert hvað ég á að segja er ennþá að reyna að vakna. sé ykkur bara síðar og munið ekki er allt gull sem glóir í málefnum borgarstjóra blessi ykkur

2003-01-08T10:35:00.000Z

jæja jæja, ég hef ákveðið og fundað við sjálfan mig að byrja öll blogg á jæja. Þetta var erfið ákvörðun en samt einróma samþykkt þar sem að það virðist sem svo að öll mín blogg byrji á þessu orði. Skemmtilegt orð þetta jæja. En hvað um það. Helgi Ómar og hans undirtyllur hafa ákveðið að gefa mér séns á því að stunda skóla hérna á Egilsstöðum, Guð blessi þau öll sem og Ameríku. Ég sagði við Þorbjörn, eftir að hann var búinn að kalla mig nokkrum slæmum nöfnum, að ég skildi gera hvað sem er til þess að dúxa á þessari önn, hver veit nema að maður reyni það. Komst reyndar að því í gær að það væri skylda að mæta í stoðtíma í þessari viku, þannig að ég er búinn að fá nokkra fjarvistapunkta þannig. Fékk nebblega ekki annarfréttir og vissi ekki af þessu, en það var bara hlegið af mér þegar ég ætlaði að fara að kvarta yfir þessu. En það er nú alltaf gaman þegar fólk getur hlegið af manni, til þess er maður jú hérna. Ég er að fara að kljást við 20 einingar, þar verður bara gaman. Þar af eru 4 í p námi svokölluðu, eitthvað þarf maður að vara sig á því að læra þá áfanga. En aldrei þessu vant hef ég engar áhyggjur af þessu. Það er nefninlega þannig að ég verð að mæta í skóla núna engar undanþágur og það held ég að þýði að maður stundi þetta bara betur, maður er hálf kærulaus þegar maður má ráða og svona hvað maður mætir. En einhvernveginn er það bara þannig að ef maður verður að mæta þá mætir maður. Við fórum í salinn ég og Jökull í fyrradag, fyrsta skipti í svona 20 daga. Það var hreinasta helvíti en ég held að það sé stefnt þangað í kvöld og þá held ég að Finnur kallinn ætli nú með okkur. Það verður magnað. Jæja munið bara að slæmt er að hafa tungu í annars manns höfði hvað sem það svo þýðir og annað guð blessi ykkur

2003-01-05T18:12:00.000Z

jæja þá er maður kominn "heim" í heiðardalinn, Jökull driver og Bryggi Smoke sóttu mig á völlinn, Smoke alltaf að væla eitthvað af því að hann á ekki rettur, en Driver bara í góðum gír. Lufsuðumst síðan heim til þeirra heiðursmanna Björgvins Poet og Finns Chess. Fínir félagar mínir frá Alltaflandi. Nei nú er ég kominn út fyrir þennan venjulega heim okkar. Fór í skemmtilega flugferð áðan hélt að það væri ekki til. Það var svo heiðskýrt að skipperinn fór bara með okkur í útsýnisfllug leið bara eins og ég væri kominn í settið í Stellu í Orlofi. En magnað samt og engin ókyrrð, sem er mjög gott. En þetta er búið að vera ágætt þarna fyrir sunnan ég hékk mikið með Gylfa en því miður ekki mjög mikið með Gassa en samt eitthvað. en samt nokkuð fín ferð. jæja nenni þessu ekki blessi ykkur og alla hina líka

2003-01-03T13:53:00.000Z

Jæja það er ekki hægt að segja en að árið byrji með glæsibrag. Ég fékk senda til mín sekt fyrir að vera ljóslaus eftir að ég var að keyra suður fyrir svona mánuði, fékk ekki inngöngu í skóla, en er held ég búinn að redda því, fékk launaseðil frá bónus hann sagði að ég væri á 568 krónum á tímann sem á að vera eitthvað meira og ég þurfti að borga skatt af því sem er bara rugl, þannig að ég er búinn að standa í ströngu í samningaviðræðum það sem af er þessu ári. En eins og ég heyrði einhversstaðar útundan mér Always look at the bright side of life. Jæja Egilsstaðir á morgun held ég ætla að fara að láta sjá mig er nú farinn að sakna þessara vitleysinga þaðan, Jökull, Finnur,Björgvin og Eiríkur svo einhverjir séu nefndir. En jæja þetta er magnað ætla að fara að gera eitthvað blessi ykkur

2002-12-29T23:26:00.000Z

Jæja elskurnar, í fyrsta lagi langar mig að afsaka hvað ég hef verið latur við að blogga yfir hátíðarnar, en þannig er nú það að maður er mjög saddur akkurat núna og er ekki að nenna að standa upp til þess að fara í tölvuna. GLEÐILEG JÓL meðan ég man eftir því. Ég er eins mikill nörd og ég get verið akkurat núna, sit fyrir framan tölvuna og tefli við skáktölvuna sem að ég fékk í jólagjöf, eðallíf vantar bara lord of the rings í tækið og þá væri þetta fullkomið. Fórum niður í bæ í gær ég, Gassi og Gylfi helvítis stuð spjölluðum við nokkrar lórur sem að Gassi þekkir eðallórur alveg, ein að gefa manni auga og svona, enda mjög myndarlegur maður eftir speglinum mínum að dæma. Ekkert Egó hérna í gangi þetta er bara það sem að spegilinn minn segir. Jólin búin að vera mér hliðholl, náði öllum prófum nema Landfræðinni en það er ástæða fyrir því mætti aldrei og gerði engin verkefni. Mamma er svona semí fær í að elda þannig að maður hefur náð á sér svona 3 kílóum um jólin, næ þeim aftur af með þeim kumpánum Finni og Jökli eftir jólin. Gassi var að hringja ætlar að draga mig á rúntinn..... augnablik á að gera í skákinni....... Shit lék af mér..... Jæja ætla að koma mér suður á þriðjudaginn, langar samt alveg að vera hérna lengur en skyldan kallar og það er eflaust farið að vanta liðsmann í stuðfélag Fellbæinga. Ægir biður að heilsa by the way. Minnir mig á málsháttinn farið hefur fé betra hann Ægir, hann er nú samt alveg eðalmaður og okkur vanta hann inn í Fellaliðið En gassi kominn bless

2002-12-22T22:06:00.000Z

Jæja bændur þetta er búið að vera dagur dauðans eins og austfirðingar myndu nú segja það. Ég var vakinn af föður mínum klukkan um hádegi í dag. (Er kominn suður, gisti á MA&PA INN, fínn staður alveg) Ég skrapp mér nú stutta ferði í Lókinn (fyrir ykkur byrjendur er það Smáralindin) þar voru svona álíka margir og maður sér í kaupfélaginu á Sunnudögum, ég er að giska á svona 30 þúsund manns 50 þúsund til eða frá. En þar sem að ég er maður með 2% þolinmæði, 1mm langan þráð í skapinu og var aðeins með eitt í huga að kaupa gjafir og ekkert annað þá varð allt annað úr þessum degi. Þessi millimeter brann upp um leið og ég steig út úr bílnum þannig að ég fór með vonda skapið í lókinn, mæli ekki með því. Var búinn að kaupa 2 gjafir af svona 10 gjöfum á að giska, þegar að þessi 2 % þolinmæði skrapp á klóið og ég fann hana ekki aftur. Síðan hitti ég 2 elstu systur mínar og þá var ég farinn að skulda í þolinmæði. Ekki það að ég dýrka þessar konur heldur var mitt aðalmarkmið að kaupa jólagjafir og koma mér út en nei ég þurfti að koma með þeim og velja á mig og það var ekki það sem ég var kominn til þess að gera en gerði samt. Eins og hellisbúinn segir þá þarf maður að geta einbeitt sér að þessu einu og ég var truflaður og þannig varð skapið vont. En ég hugsaði bara með mér Eigi skal gráta Bjössa heldur safna liði þannig fékk ég vænan skammt af reiði og gremju í mig og kom mér áfram í gegnum þetta. Er ekkert búinn að geta farið að lyfta enda vantar Jökul og Finn er ekkert viss um að ég fari að lyfta um jólin. En nenni ekki meiru munið bara að allar fallegu stelpurnar í Reykjavík eru bara tölvugerðar þær eru ekki alvöru sjáumst.......

2002-12-13T13:19:00.000Z

Jæja þá er þetta strið búið, ég er að tala um prófin yei. Kominn í jólafrí nema hvað ég þarf að vinna í kvöld, ekert mál. Síðan fer ég suður á Sunnudagsnótt ætla bara að skella mér bílandi þessa leið, alveg eins og fyrir tveimur vikum, gaman að því. æ nenni ekki að skrifa skrifa fljótlega endilega haldið áfram að skrifa í gestabókina hef svo gaman að´því að lesa þessa vitleysu

2002-12-10T21:35:00.000Z

You have been involved in a shameful online RPG, and your soul will never be clean. You've soiled the memory of a dead author and neglected yourself and other human beings for months at a time; there is no way to make up for this. The Lord has turned His eyes from you forever!

Keep back, you utter trash!

Why Will You Go To Hell?
brought to you by Quizilla

Interesting!!!!

2002-12-10T21:08:00.000Z

Jæja jæja prófin búin að ganga ágætlega held ég kemur bara í ljós. Svaf 13 og hálfan tíma í nótt takk fyrir. Egilsstaðir eru að breytast meira og meira í skítapleis maður veit ekkert hvað maður á að gera hérna skil ekkert í mér að fara bara ekki til mömmu og pabba í kópavoginum, en svona er þetta bara. Það er bara að líta á björtu hliðarnar og leika drottningunni og máta þessi leiðindi. En það er svona þegar að leiðindin eiga alltaf mótleik. En ég ætla nú alls ekki að hljóma eitthvað þunglindislega. það er nú hægt að skemmta sér á Egilsstöðum eins og meðfylgjandi mynd sínir en allavega munið bara að þið eruð alveg á borð við mig elskurnar mínar en þangað til seinna bleble og taliði þýsku
Sorry varð að taka myndina sem var hér af því að hún var alltof stór

2002-12-08T20:02:00.000Z

The Ultimate *Which Harry Potter Character are You?* Quiz
brought to you by Quizilla

Ég er ekki viss um þessar niðurstöður úr þessu prófi, en það sannar bara hvað þeir segja Margt á Guð ógefið En bara annars allt gott að frétta!!!!????

2002-12-05T20:44:00.000Z

Æ próf, hvað er nú skemmtilegra en próf?? Maður fær að vera heima og lesa og lesa og lesa og lesa. Ekkert jafnast á við próf. Ef ekki væru próf þá væri lífið eflaust leiðinlegt. Próf. Ég hata próf. En maður verður víst að gera þetta eins og allt annað. Ég er að fara í tvö próf á morgun 1 á Laugardag og 2 á Mánudag og er að vinna þessa helgi....sjibbí.. En ég er hetja. Ekkert hefur gerst í dag er búinn að vera að læra í Landfræði um fjarlægðir á korti og eitthvað þvílíkt bull. Það er mjög mikið helvíti að halda að maður viti allt og þegar maður les það þá veit maður allt en þegar maður kemur í próf veit maður ekki neitt. Próf eiga ekki að eiga sér stað. En eins og þið vitið að þá holar dropinn steininn þetta er allt í dag í bili allavega í dag lesið undir próf og verið kát skít á ykkur seinna

2002-12-04T16:01:00.000Z

Ahh skólinn búinn fyrir utan próf, þar að segja ef ég fæ að taka þau einhver vandræði á gangi, en Menntaskólinn á Egilsstöðum er einmitt þekktur fyrir að leyfa fólki ekki að fá annan séns...NOT. Hef engar áhyggjur af þessu fæ eflaust að taka próf. En hef verið að pæla í einu, einhverntímann hefur það orðið til að maðurinn hefur myndast í þeirri mynd sem að hann er núna hvort sem það var hann guð sem að skapaði okkur eða þá að við höfum verið einhver dýr sem að gengu á land bla bla bla, en afhverju þarf mannskepnan, sem og önnur dýr reyndar að hnerra???? hvað er með það ég meina ég gæti alveg lifað án þess að þurfa að hnerra.Maður er kannski að keyra á 100 og milljón og með símann í annarri og rettuna í hinni og þarf síðan að hnerra, ég meina það er ekkert annað sem gerist nema að maður missir símann í golfið, rettuna í klofið og brennir sig og bíllinn endar útí skurði. Ég meina það er allt annað að þurfa að pissa eða kúka, þá stoppar maður bara og afsakar sig í símann og drepur í rettunni og fer síðan bakvið næsta stein og kúkar, en að hnerra nei nei það kemur bara alltí einu og það er ekkert sem þú getur í því gert..............Var bara að pæla í þessu því ég var að hnerra.............. En allavega ég er staddur heima hjá Finni kollega mínum, alveg ágætismaður þar á ferð, við erum að ræða heimsmálin, en við komum saman og gerum það svona annaðslagið, og datt mér þá í hug þegar að ég var að tala við Finn spakmælið Þrá er sauðkindin en hvað er það til móts við kvenkindina , en svona er nú heimurinn lítill. En ég er nú að hugsa um að fara að hætta þessu þar sem að heimurinn kallar á mig að gera eitthvað þarfara en þetta og ætla ég því bara að hlýða. En stay hip and don´t cry. Sniffykkurleiter.

2002-12-03T10:01:00.000Z

Fúff góðan daginn, ég er þreyttur, dauði og djöfull ég gleymdi skólatöskunni minni fyrir sunnan með öllum bókunum mínum í og mamma ætlar að senda hana með flugi en nei fluginu er frestað vegna veðurs helvítis veðurguðir aldrei með rétt veður vita þeir ekki neitt?? Ég nenni varla að skrifa núna var að lesa niðurdrepandi blog hans Bjögga en ég skil hann alveg karlgreyið það er ekkert gaman að vera svona kvennmannslaus, en hann lifir þetta af ef ég þekki minn mann rétt. þarf að fara í bankann til þess að borga kreditkortareikninginn minn, men það sem að einn skólastrákur þarf að borga, já Ekki er allt hey í harðindum eins og þeir segja það þessu virtu menn samfélagsins. En munið Esso manninn úr suðurferðinni minni og blessið svona fólk en í bili Stay fresh and don´t shit your pants.......... Smell you later

2002-12-02T22:56:00.000Z

Endilega látið heiminn vita hvað ykkur finnst um uppsetningar jólaljósa,,,,,,.þessi könnun mun hafa áhrif

Free Web poll for your Web site - freepolls.com

2002-12-02T12:06:00.000Z

Jæja helgin búin. Ég drullaði mér suður og bað til guðs að ekki skyldi rigna á leiðinni en ég skal segja ykkur að þegar ég lagði af stað við Menntaskólann á Egilsstöðum Miðvikudaginn 26 Nóv (bílandi suður) byrjaði að rigna og það varð mjög svo hvasst, þannig var það og ég ýki ekki núna þannig var það fyrstu 479 kílómetrana eða þangað til ég kom I Rangárvallasýslu nálægt Hellu að það hætti að rigna dauði og djöfull hugsaði ég með mér og saup á appelsínusafanum. Síðan þegar ég var á Öxi,,,, fannst mér eins og ljósin á bílnum hefðu dofnað hugsaði ekkert út í það hélt bara að ég hefði misst gleraugun af nefinu eða eitthvað og hélt minni f´ör áfram. En síðan keyrði ég alla leið á Kirkjubæjaklaustur og komst að því þar sem að ég sat í bílnum og snæddi skerið mitt að bíllinn var eineigðu ekki nóg með að háu ljósin vinstra megin væru farinn heldur var lágu ´ljósin farin ljósið að aftan og númeraljósið að aftan, en þá varð mér hugsað til barnana í Namimbíu sem ekki fá tækifæri á að spila Nintendo þannig að ég róaðist eftir að hafa lamið nokkrar rúður úr sjoppunni á pleisinu. En allavega ég var með allann minn pening í seðlum ekkert á korti og man ekki kreditkortanúmerið mitt. Á þessum punkti var ég að vera bensínlaus sjoppan lokuð enda klukkan um 21:40 loka allar sjoppur klukkan níu núna, en þannig að ég hringdi í yfirvaldið, pabba minn, og bað hann um að millifæra einn blán á kortið mitt og gerði hann það. síðan var ég að fara að setja kortið í en NEI SJÁLFSSALINN LOKAÐUR NEEEEEIIIIIIII hvað átti ég að gera núna leit á bensínmælinn alveg að vera búið allt þar og leit síðan á skilti sem sagði Vík 72 Km. Skyrinu var slett í sig en þeir sletta skyrinu sem eiga það og hélt af stað í miklum vafa yfir að ná til Víkur. Hver sekúnda leið eins og ár en ég komst á vík ljósið logaði búið að gera það síðustu kílómetra þá meina ég bensínljósið. Bílnum var lagt við bensíndæluna og kortið í sjálfsalann, SYNJUN færslan fór ekki í gegn. Ég sá lífið mitt í grófum dráttum í huga mér, ég var að deyja. síðan sá ég sem ljós í myrkrinu mann klæddann ESSO úlpu, og þá varð mér í hug orðtækið Vertu fámálugur meðan fífl gapa mér var léttir ég tók bensín og brunaði suður. Aftur að ljósleysi bílsins ég var að vera kominn til Selfoss þegar að ég sé blá ljós fyrir aftan mig NEI flaug í huga mér helvítis útlendingaeftirlitið komið, en sem betur fer var það bara hin elskulega íslenska lögregla sem að var komin til að skrifa handa mér sektarmiða, guð blessi þá. Ég var með 4 biluð ljós og má guð vita hvað íslenska ríkið ætlar að ná miklum blóðpening út úr mér fyrir það. Eftir þetta vissi ég að lífið gæti ekki orðið betra þetta var búin að vera góð ferð.
En Reykjavík var fín fór út að borða og svona góð ferð ps. gleymdi skólatöskunni minni fyrir sunnan 4 dagar í próf COOL

2002-11-26T17:38:00.000Z

Man var búinn að skrifa þessa líka þvílika ritgerð hérna í gær en einhvernveginn mistókst að birta hana, bömmer, ég var bara að segja frá partíinu sem að við félagarnir héldum á Úlfsstöðum ekkert gaman að segja frá því. Dagurinn í dag byrjaði illa. Gat ekki opnað augun til að byrja með ég var svo þreyttur svo þegar ég var kominn svona hálfaleiðina í skólann fór annað augað að taka við sér loksins, hætti að þurfa að keyra blindandi. Skólinn var leiðinlegur tók 2 próf í dönsku var með 7,5 í meðaltalinu á þeim prófum fékk bara út´úr þeim strax. Síðan tókum við Kapt Glazios (eða Jökull Sjakali) eins og margir þekkja hann nokkra leiki í Fussball og töpuðum ekki einum einasta leik takk fyrir það enda gamlir meistarar. En allavega er að reyna að laga þessa síðu mína ég breytti templatinu og allt varð ruglað mjög leiðinlget fyrir mann sem ekki hefur mikinn tíma og nenni ekki að eiða þessum litla tíma í að breyta þessu en allavega bless bless og munið að passa ykkur á fólkinu sem kyssir að framan en klórar að aftan if you know what I mean

2002-11-05T19:18:00.000Z

Hann er kominn út!!!

2002-11-05T18:36:00.000Z

Þetta er magnað kvikindi þetta blogg er að æfa mig að setja inn myndir og svona, góð mynd hérna fyrir neðan hehe

2002-11-05T17:54:00.000Z

Það er gott að vera með rakaðann rass.

2002-11-04T15:38:00.000Z

Er þetta málið er maðurinn búinn að koma sér inn á þetta helvítis blogg búinn að reyna yfir 30 sinnum jei